影片
更多
2017-01-23
611 浏览
今晚要去九龍灣郵輪碼頭參加同事嘅婚宴，所以決定咗今日嘅Lunch都會係Megabox附近解決。之前上過Openrice 研究下有咩好食，發覺鳴門嘅評價好似唔錯，更發現原來而家星期六日同公眾假期有做半放題嘅Lunch，價錢唔太貴，所以決定去試下。鳴門位於龍灣國際交易中心嘅商場頂層，好易搵到。入到餐廳，發現我係第一位客人，侍應俾我自己揀位坐，真係好。餐廳樓底非常高，而且枱與枱之間都唔迫，空間感十足。一坐底，侍應就簡單半放題嘅叫法，係一位客人主食揀一款，之後再用紙order任食嘅食物或飲品。經過慎重考慮後，我揀汁燒銀鱈魚，Mr.J就揀三色丼。之後就寫紙order沙律、刺身、壽司等等喇。(汁燒銀鱈魚係無跟飯嘅，咁就最好喇，可以留肚食其他野)先送上刺身拼盤，原先諗住甜蝦只係普通細細隻，原來係大隻㗎，肉質爽口鮮甜，好好味。鯛魚同油甘魚都唔錯。之後主角出場-三色丼同汁燒銀鱈魚。先講三色丼，賣相好靚，齋望都覺得好吸引。三色丼嘅分量好足料，海膽充滿鮮味，三文魚籽唔會死鹹，拖羅蓉都幾好，而個底嘅壽司飯都唔會乾爭爭，飯粒帶點濕潤，唔洗勁落豉油。依個三色丼連平時唔食海膽嘅都覺得非常滿意。至於汁燒銀鱈魚，廚師都
鳴門位於龍灣國際交易中心嘅商場頂層，好易搵到。
入到餐廳，發現我係第一位客人，侍應俾我自己揀位坐，真係好。餐廳樓底非常高，而且枱與枱之間都唔迫，空間感十足。
一坐底，侍應就簡單半放題嘅叫法，係一位客人主食揀一款，之後再用紙order任食嘅食物或飲品。經過慎重考慮後，我揀汁燒銀鱈魚，Mr.J就揀三色丼。之後就寫紙order沙律、刺身、壽司等等喇。(汁燒銀鱈魚係無跟飯嘅，咁就最好喇，可以留肚食其他野)
先送上刺身拼盤，原先諗住甜蝦只係普通細細隻，原來係大隻㗎，肉質爽口鮮甜，好好味。鯛魚同油甘魚都唔錯。
之後主角出場-三色丼同汁燒銀鱈魚。先講三色丼，賣相好靚，齋望都覺得好吸引。三色丼嘅分量好足料，海膽充滿鮮味，三文魚籽唔會死鹹，拖羅蓉都幾好，而個底嘅壽司飯都唔會乾爭爭，飯粒帶點濕潤，唔洗勁落豉油。依個三色丼連平時唔食海膽嘅都覺得非常滿意。
至於汁燒銀鱈魚，廚師都整到啱啱好，肉質嫩滑又唔嚡口，魚皮燒到好脆口，再加上燒汁嘅襯托，令到整個銀鱈魚變得好惹味。
壽司類我哋淨係點咗劍魚腩，幾好。吉列蠔食嘅時候要小心，因為好熱，而且裡面好飽滿好多汁。枝豆係我每次去放題都會食，今次亦唔例外。枝豆都唔錯，我自己食哂成碟。
燒物類叫咗魷魚鬚、雞軟骨同厚燒牛舌，雖然牛舌比較乾咗少少，但三款都幾好味。
沙律有兩款選擇，我同Mr.J都各點一款。原本以為只係一小碗嘅沙律，送到嚟先知一碗嘅份量足夠兩個人分。沙律菜好鮮甜兼且爽口，加埋胡麻沙律汁，唔覺唔覺就食哂成碟喇。
日式蒸蛋好嫩滑。明太子玉子好好味，唔係凍冰冰，係熱辣辣，帶微微嘅蛋香。
要稱讚依度嘅侍應，不斷留意食客嘅情況，主動收碟換碟加茶，又會問要唔要再加野，感覺好照顧周到。埋單大約200幾一個人，非常抵食。
张贴
