影片
更多
2022-10-25
72 浏览
韓國嘢食極都食唔厭，咁樣發現樂富廣場有間平靚正嘅韓國餐廳，座位又寬躺，仲有K-Pop聽，於是一於同朋友試試佢。我哋叫咗個明洞二人餐($368)，包沙津、小食、鍋物、主食、甜品、飲品，超豐富！每款都有好多嘢揀，無hea你。沙律揀咗香芒炸雞沙津，份量勁多，有成六嚿炸雞，仲有好多菜同埋好甜嘅芒果。小食揀咗黑醋烤韓國豬肉餅，總共有四件，表皮烤得好脆。至於鍋物揀咗迷你滷豬手粉絲鍋，配料仲有好多翠玉瓜同埋年糕，每啖都係好豐富嘅口感，加埋濃豬骨湯味超正。主食就叫咗落辣豬肉蓋飯，味道唔算好辣，一般人都接受到，店家落咗大量紫菜，同埋豬肉都佔咗差唔多半碗，多到食唔晒。。。甜品仲有兩個牛乳奶凍，仲試咗杯白桃乳酸特飲，好清新。兩個人埋單加埋10%服務費，400蚊有找，抵食👍🏻😍
我哋叫咗個明洞二人餐($368)，包沙津、小食、鍋物、主食、甜品、飲品，超豐富！每款都有好多嘢揀，無hea你。
沙律揀咗香芒炸雞沙津，份量勁多，有成六嚿炸雞，仲有好多菜同埋好甜嘅芒果。小食揀咗黑醋烤韓國豬肉餅，總共有四件，表皮烤得好脆。
至於鍋物揀咗迷你滷豬手粉絲鍋，配料仲有好多翠玉瓜同埋年糕，每啖都係好豐富嘅口感，加埋濃豬骨湯味超正。主食就叫咗落辣豬肉蓋飯，味道唔算好辣，一般人都接受到，店家落咗大量紫菜，同埋豬肉都佔咗差唔多半碗，多到食唔晒。。。
甜品仲有兩個牛乳奶凍，仲試咗杯白桃乳酸特飲，好清新。
兩個人埋單加埋10%服務費，400蚊有找，抵食👍🏻😍
张贴
