愛上米線 (漆咸道南) (已結業)

同朋友由寶勒巷行出去漆咸道南個轉角位見到佢，餐廳座位闊落座位足夠，座下望望餐牌就點了二人暖love love 套餐，主食選了花芝醬麻辣擔擔撈米線配滑雞柳，同至尊大大碗麻辣湯米線，還有小食兩款要了剁椒皮蛋同香噴噴奶黃金沙豬柳肉，飲品要埋啤酒，追加了份蜜糖芥末雞肉粒配驚喜爆炸糖最快不是小食反而係尊大大碗麻辣湯米線，內有大大塊香口炸豬扒、軟熟入味嘅滷水雞翼，爽口金菇菜，鵪鶉蛋，彈牙貢丸配米線，湯底個種麻辣十分刺激醒胃！另一碗花芝醬麻辣擔擔撈米線配滑雞柳，撈勻一齊入口花芝醬味濃郁沾上了每啖彈牙爽口嘅米線上，伴隨嘅炸豆亦十分脆口，雞柳嫩滑軟熟，哩個口味配搭亦十分配合！而小食剁椒皮蛋同樣出色，剁椒放滿了在香滑皮蛋上夾埋一齊入口辣味感覺十分醒神，而香噴噴奶黃金沙豬柳肉，廚師毫不吝嗇將豬柳肉沾滿了鹹蛋黃醬，所以味道十分濃郁之餘，豬柳肉亦十分軟淋入味！蜜糖芥末雞肉粒配驚喜爆炸糖，這個都真係推介必選，蜜糖同芥末混雜在香脆嘅雞肉粒上，入口個陣帶點點攻鼻感覺又係另一種刺激食慾嘅感覺！因用上蜜糖所以雞肉粒外面更加香脆可口！以這個價錢在這區食飯十分超值抵食，又係一個飯堂之選！