校長燒肉日韓料理 (西裕街)

营业中

休息中

早幾日去左元朗搵朋友～想搵間野一邊食一邊傾～加上佢又有個細路～就決定黎校長食燒肉打邊爐～ 未入去佢個仔就俾個巨型鐵甲奇俠吸引住話要影張相先～未開始食已經好期待～ 入到去裝修都好特別～有趣唔會悶～野食除左有得食燒肉、火鍋～仲有刺身、熟食、牛角酥菠蘿包同甜品～仲有各款野飲又係任飲⋯真係可惜自己得一個胃～唔可以一次過食曬～哈哈～唯有下次再黎過～ 話說今次過黎諗住好好傾下都冇點傾～因為掛住食～燒野打邊爐拎熟食甜品～個咀好忙～個肚好飽～好滿足～～😋😋仲有各款花茶同功效都講得好清楚～好貼心～岩曬食完燒肉打邊爐可以整番杯～～