影片
更多
2023-03-20
19 浏览
下星期出job，要著得是正d，同個朋友尖沙咀行街買衫睇鞋。之後一齊食晚飯，經過金巴利道俾門口個靚靚巨型海鮮盤吸引，入咗去之後見原來有串燒、雞煲同海鮮食，於是打算咩都叫d食下。望真menu原來每人食夠$150可以點個$1 雞煲或者椰子雞湯或者花膠雞湯仲有豬骨煲，超抵。$1雞煲 （半隻）性價比當然唔駛講，雞煲可以用香氣樸鼻形容，雞肉份量唔算超多，不過兩個人絕對夠食，花椒八角洋蔥調味非常足夠，尤其d洋蔥吸哂雞煲d精華，認真好味。燒露荀我哋走辣，不過好夠孜然粉，食落好惹味，軟硬正中，爽口。老乾媽豆豉炒蜆勁多炒蜆，個個殼都有肉，size 都唔細，炒得好夠鑊氣，豉椒洋蔥同蜆入哂味，好正。風味燒安格斯牛柳粒一碟兩串，每串大約食到4-5粒，燒得啱啱好，黑椒幾香口，唔會嚡，幾有日式牛肉串既風味。金銀蒜燒廣島蠔蠔肉本身係中size，加上金黃蒜蓉做配料，d香味沖哂出嚟，食落juicy又香口又鮮甜。蜜糖燒大魚蛋係長洲大魚蛋size，彈牙爽口，用蜜糖燒外脆內軟，一串兩粒，一人一粒啱啱好，唔多晤少。百花脆油炸鬼朋友第一次食呢樣，油炸鬼焗至全脆，唔油，有d似法式麵包，d蝦膠釀落油炸鬼一齊食特別好食。另外，想shar
$1雞煲 （半隻）
性價比當然唔駛講，雞煲可以用香氣樸鼻形容，雞肉份量唔算超多，不過兩個人絕對夠食，花椒八角洋蔥調味非常足夠，尤其d洋蔥吸哂雞煲d精華，認真好味。
燒露荀
我哋走辣，不過好夠孜然粉，食落好惹味，軟硬正中，爽口。
老乾媽豆豉炒蜆
勁多炒蜆，個個殼都有肉，size 都唔細，炒得好夠鑊氣，豉椒洋蔥同蜆入哂味，好正。
風味燒安格斯牛柳粒
一碟兩串，每串大約食到4-5粒，燒得啱啱好，黑椒幾香口，唔會嚡，幾有日式牛肉串既風味。
金銀蒜燒廣島蠔
蠔肉本身係中size，加上金黃蒜蓉做配料，d香味沖哂出嚟，食落juicy又香口又鮮甜。
蜜糖燒大魚蛋
係長洲大魚蛋size，彈牙爽口，用蜜糖燒外脆內軟，一串兩粒，一人一粒啱啱好，唔多晤少。
百花脆油炸鬼
朋友第一次食呢樣，油炸鬼焗至全脆，唔油，有d似法式麵包，d蝦膠釀落油炸鬼一齊食特別好食。
另外，想share 俾大家係follow佢個IG或FB送免費雞翼尖小食，份量都唔少㗎。
我哋2個女仔食咗好多嘢，都好飽，埋單之後原來仲有甜品送，係雪米糍，食甜品當然係有第二個胃。
张贴
