神戶屋日韓放題

营业中

休息中

刺身＋火鍋＋大閘蟹放題。抱住試一試心態上去食，點知大閘蟹目測4～5兩，隻隻超新鮮熱辣，且爆膏，而且睇得出清洗得好乾淨。刺身都係好正，上菜速度同服務都非常好。幫年輕人非常有耐心同耐性，而且好細心的準備晒食蟹工具，連消毒濕紙巾，幹紙巾同手套都準備曬，怕唔夠，埋單前仲再畀多一份紙巾。本身以為食日本料理，大閘蟹好難質素高，點知真係非常好。而且十五分鐘落一轉，6～8隻，加上咁多刺身烤物，同火鍋……真係飽到頂心口。間店怕客人等蟹時間耐，間中會送上一些熱辣小食。講真，試完同一價錢其他間放題，呢間提供的服務同食物質素，真係值回票價，滿足曬我大閘蟹好友心願最開心係唔怕我好食得，每一轉蟹都4～5兩size，無一隻唔新鮮。個燒菠蘿居然有層薄薄焦糖，口感好特別。臨走同之前一樣，老闆會提醒可以門口拿雪糕食，都會係門口食條雪糕先走，感覺好隨和。希望繼續維持住呢個氛圍同質素，生意難做，keep住水準，祝生意興隆。多謝老闆咁好服務。今年食大閘蟹心願終於圓滿完成。下次刺身放題見。