牛一 (荃灣廣場) (已結業)

2020年嘅圣诞继续二人限聚同禁晚市，唯有打番个午市边炉庆祝一吓，我哋拣咗鹿儿岛A4黑毛和牛限定二人放题套餐每位$410，而我亦有提前一星期book位顺便享受埋早鸟九折优惠，折后每人$369，超抵食套餐包咗一个海鲜锅，海鲜锅包括有波士顿龙虾、加拿大蟹脚、帆立贝、鲍鱼、大虎虾、法国黄金螺，相当丰富。而牛肉有四款可以选择，包括有鹿儿岛A4和牛、九洲特选和牛 、美国安格斯 、美国特选级谷饲牛。配料方面丸类就比较少，而蔬菜、菇类就有好多款选择，亦都好新鲜。🔝海鲜火锅🔝鹿儿岛A4和牛油脂分布平均，但未去到入口即溶𠮶种，肉质软嫩，每一块牛都劲大块，点咗3碟质素都系好好。🔝九洲特选和牛比起鹿儿岛A4牛味浓烈一点，带点油脂感。第一转好靓，但第二转再点就变咗另一款，渌完牛肉边位会发黑，肉质仲好韧。🔝美国安格斯呢款牛味最浓郁，肉质带有口感，如果想食平啲，可以选择呢个级数。🔝美国特选级谷饲牛无咩特别，牛味比较淡。🔝火锅配料有多款选择🔝饮品方面有果汁机、汽水机、咖啡机，仲有纸包饮品、罐装有汽水同狮威啤酒。另外今次我哋呢个餐免费升级任饮Asahi啤酒㗎。🔝呢度仲有部乳酪雪糕机，雪糕有两款味分别系原味同士多啤梨味