影片
更多
2022-12-09
1951 浏览
朋友介紹過見見面，話性價比好高，最近喺旺角開咗分店，一於約埋朋友嚟試吓。 120分鐘放題只需要二百零蚊，五點前埋單仲有六折，真係平得好誇張。入面環境新淨企理又夠寬躺，而且抽風做得好好，唔會食到成身一陣味。飲品款式繁多，有汽冇汽有糖冇糖嘅都有，仲有啤酒都係任飲。調味方面都好齊全，而且排列整齊乾淨衛生。呢個價錢嘅火鍋放題，出面好多都係劣食，志在填飽肚吹吓水，但呢度嘅食物真係絕不欺場，食物新鮮，而且好多都係屬於中上嘅質素。鴛鴦湯底只需加$50，我哋就揀咗養生藥膳鍋同秘製沙嗲鍋。特別要推介佢嘅沙嗲湯底，真係好香嘅沙嗲味，香濃嘅程度簡直媲美茶餐廳嘅沙嗲牛，所以平時打邊爐好少食麵嘅我，都即刻隊返個出前一丁，唔好浪費咗個湯底。牛肉係火鍋嘅靈魂，呢度有多款牛肉俾你揀，而我最推介嘅就係佢哋嘅封門柳，有肉味又夠腍夠滑。魚片都好食，食得出係新鮮料。另外覺得驚喜嘅就係佢呢度有墨魚咀，大大粒超爽口，我哋encore咗幾轉。其他火鍋配料都好多款式，真係絕對值得推介！
120分鐘放題只需要二百零蚊，五點前埋單仲有六折，真係平得好誇張。
入面環境新淨企理又夠寬躺，而且抽風做得好好，唔會食到成身一陣味。
飲品款式繁多，有汽冇汽有糖冇糖嘅都有，仲有啤酒都係任飲。
調味方面都好齊全，而且排列整齊乾淨衛生。
呢個價錢嘅火鍋放題，出面好多都係劣食，志在填飽肚吹吓水，但呢度嘅食物真係絕不欺場，食物新鮮，而且好多都係屬於中上嘅質素。
鴛鴦湯底只需加$50，我哋就揀咗養生藥膳鍋同秘製沙嗲鍋。特別要推介佢嘅沙嗲湯底，真係好香嘅沙嗲味，香濃嘅程度簡直媲美茶餐廳嘅沙嗲牛，所以平時打邊爐好少食麵嘅我，都即刻隊返個出前一丁，唔好浪費咗個湯底。
牛肉係火鍋嘅靈魂，呢度有多款牛肉俾你揀，而我最推介嘅就係佢哋嘅封門柳，有肉味又夠腍夠滑。
魚片都好食，食得出係新鮮料。
另外覺得驚喜嘅就係佢呢度有墨魚咀，大大粒超爽口，我哋encore咗幾轉。
其他火鍋配料都好多款式，真係絕對值得推介！
张贴
