大將 (已結業)

今次有任食放題一人鍋介紹，$428一位食90分鐘～ 有真日本黑毛和牛，和牛肩胛肉食😍 超正～餐廳環境整潔，自助區多野揀，丸類，蔬菜，仲有得自製窩夫🧇 整雪糕，好適合帶小朋友來一邊食一邊玩😍我地各揀咗一個湯底，蕃茄海老濃湯，黃金壽喜燒～ 兩個湯底都好濃郁夠味～ 一坐低每人一碟日本黑毛和牛，西班牙五花肉片，昆布漬雞肉～ 和牛脂香味美，口感好軟嫩～ 雞肉好滑嫩～ 海鮮拼盤有海蝦，八爪魚仔，青口，鮮味鹹香～打邊爐點小得雞蛋🥚打入個湯到變濃郁蛋花湯😋 放粉絲落鍋吸哂湯味，又滑牙好味😋朱古力味雪糕好濃郁，仲有好多雪糕配料，爆爆珠口感一流～加啲Oreo 碎都好夾～Tiramisu ，抹茶泡芙正常水準。