夏麵館 (寶石大廈) (已結業)

最近係荃灣做野，日日都有機會試新野！平時係港島返工，食個普通午餐真係要$100，荃灣區平好多！夏麵館星期一至五，午市套餐四人同行就一人免費，午市套餐$60-$70，計返每日都唔洗$60！午市套餐包一款前菜，可揀涼菜或點心類，主菜有麵有飯有上海年糕，再包埋飲品，豆腐奶茶檸茶凍熱都可以！今日前菜揀左菜肉雲吞，個皮比較厚，個人比較鐘意食簿皮嘅！主菜叫左豬扒擔擔麵，叫少辣，麵好大碗，豬扒都好大塊，真係無辦法食得晒！個湯底幾好味，麵都好好食，豬扒新鮮炸好好食，不過太肥喇，唔敢食晒！跟餐嘅熱豆漿都ok，少少甜啦！至於服務呢，侍應們都好忙，因為繁忙時間，趕住收晒d野咁。