包羅萬有(萬友)火鍋 (已結業)

天氣涼涼地，當然最好火鍋，今天causeway bay 收工，約咗個大食的朋友，當然最好梗係食放題，上網睇吓 causeway bay 火鍋放題都唔係好多，呢間價錢好似好抵決定想去試一試。一睇價錢$150超級抵，仲要係一人一鍋，湯底選擇有好多。今日朋友就揀咗麻辣湯底，我就揀咗椰子雞湯底，麻辣balance，椰子雞湯都清甜，最重要一人一鍋夠衛生。食物選擇都有好多牛肉豬肉蔬菜飲品樣樣有，最緊要雪糕選擇都有四隻，呢個價錢食到飽飽性價比高。