Domon 居酒屋 (淘大商場3期) (已結業)

經過見到佢下午茶，好似幾抵入邊又坐滿晒咪諗住入去食。叫咗兩個餐其中一個餐催咗幾次，點知等咗半個鐘都係冇嚟到。其實只係一個好普通嘅拉麵 餐。隔籬枱等咗一個鐘都未齊，佢哋都催咗好多次單。最神奇嘅係，員工食飯枱就不停有嘢食上。成間餐廳好似冇人返工咁？？ 最後我話取消張單都冇理我，要自己去買單先有人搞。咁樣嘅服務仲要收我+1服務費，勁嬲。我去嗰日係公眾假期嘅，下午都咁樣唔夠人手？完全唔建議去食，各位自己睇路。