京都勝牛 (Tower 535) (已結業)

今日一行4人去銅鑼灣行街街， 又係食晚飯時間， 去到Tower 535 記得果度好多食店， 一於行去望下有乜好食。落到地庫， 見到有間食日本野， 價錢唔算太貴， 餐牌食物非常吸引， 咁就入去啦。是日晚餐元祖炸牛排套餐醬味簿牛丼伴溫泉蛋東京風里背豬扒鍋膳套餐元祖炸牛排套餐， 炸牛排係外面吉列，炸得香脆， 內裡係非常生， 大約3成熟， 牛肉好嫩好香， 雖然好生， 但入口又好好味， 牛味香濃， 超正。醬味簿牛丼伴溫泉蛋， 牛丼用嘅醬汁好香， 有d似章魚燒隻味， 簿牛唔算好薄， 有d似漢堡扒咁。東京風里背豬扒鍋膳套餐， 吉列豬扒亦係外脆內軟， 豬扒厚切大塊， 豬扒肥瘦適中， 中間位重有一條筋位， 非常正斗。