鳴虎 (北角匯二期) (已結業)

今日同朋友去超市入貨，行行下肚仔餓，被鳴虎拉麵店吸引住，見到有人參天婦羅 ，夠哂特別，真係唔常見㗎 睇完餐牌，就叫咗【鰻魚飯 配沙律 人參茶 $78】好大塊厚厚的鰻魚，肉質鮮甜好味，多汁；珍珠米煙韌好味；配有蛋絲及紫菜可以撈埋飯一齊食；配咗份沙律；韓國人參茶參味香濃，甘甜好飲，夠哂健康 另外我就叫咗【豚肉生姜燒 配薯餅 汽水 $78】好重嘅薑味，好鍾意呀，半肥瘦嘅豚肉，肉質嫩滑，撈埋啲飯一齊食，真係好好味；另外配薯餅，薯餅好特別，外脆內軟，內裡係紫薯配栗子好香好味道；飲品忌廉汽水 另外叫咗兩份小食，一份【人參天婦羅 $48】韓國鮮人參，外層炸得酥脆，內裡爽口，原汁原味，清香甘甜，滋補養生；另一份係【炸餃子 $48】炸到外層香脆，內裡肉質軟熟又多汁 鳴虎 (北角匯)北角渣華道123號北角匯2期B1樓一田超市內