大將 (已結業)

上肉速度超慢，一行8人入座選擇澳洲和牛，入座無耐俾6碟牛，每碟得4-5塊，之後再落單等左40幾分鐘，都無送過牛黎，order4,5次，都無黎，感覺仲慘過乞食，最後有朋友頂唔順發脾氣，先有職員拎幾碟牛過黎，但拎黎嘅係普通美國肥牛，而唔係和牛，我哋叫職員收走，入座每人食幾塊牛之後要等差不多50分鐘，終於黎十碟肉，好似立即開心返，終於有肉食，但食落一啲都唔似澳洲和牛，好咬過香口膠，如果有假牙就真係甩埋，最終我哋一行8人，每人3百幾蚊連加一，只享受過每人幾塊和牛同雜菜！認真講句，呢間野免費請我都唔會再去！