影片
更多
2007-10-27
14 浏览
今日公公婆婆生日, 唔想公公婆婆去太遠, 就去左呢到食飯.不嬲去開尖東嗰間, 第一次去呢間, 以為唔會差(由於尖東嗰間好好), 點知一肚氣.我地先到(7:30pm), 公公婆婆同表弟未到, 坐底一陣, 啲侍應荒死我地白坐咁, 死吹落單, 叫左等等先, 轉吓頭又死嚟問, 你話多人等位就話想我地快啲食完走啫, 但係根本冇人等, 免佢煩住哂咪落左order先, 叫左個套餐再加半隻燒鵝同糯米飯, 個套餐有例湯, 什麼爵士燉羊湯, 舅母病緊, 問可唔可以轉清淡啲湯, 個部長不斷由說我地飲個羊湯, 同佢講唔飲羊湯, 又有人病左, 點知佢話個"羊"湯冇"羊嗰喎, 吓... insist唔要, 就話問吓先, 問左九世都冇覆我地, 出聲問啦, 佢就話已經轉左個燉雞湯, 嘩...你唔使問聲我地架, 自把自為, 仲要話問左經理, 非常皇恩浩蕩咁已經轉左俾我地, 問轉其他兩款湯, 就話賣哂, 擺明吹水, 算......叫住唔好起菜, 等齊人先, 轉吓頭就出個湯, 大佬仲有4個人未到包括公公婆婆, 你唔係要老人家飲凍湯呀, 初初仲多多藉口唔想收番個湯入去, 低能...... 點知唔夠5分鐘又出個中虾伊麵(第一道
不嬲去開尖東嗰間, 第一次去呢間, 以為唔會差(由於尖東嗰間好好), 點知一肚氣.
我地先到(7:30pm), 公公婆婆同表弟未到, 坐底一陣, 啲侍應荒死我地白坐咁, 死吹落單, 叫左等等先, 轉吓頭又死嚟問, 你話多人等位就話想我地快啲食完走啫, 但係根本冇人等, 免佢煩住哂咪落左order先, 叫左個套餐再加半隻燒鵝同糯米飯, 個套餐有例湯, 什麼爵士燉羊湯, 舅母病緊, 問可唔可以轉清淡啲湯, 個部長不斷由說我地飲個羊湯, 同佢講唔飲羊湯, 又有人病左, 點知佢話個"羊"湯冇"羊嗰喎, 吓... insist唔要, 就話問吓先, 問左九世都冇覆我地, 出聲問啦, 佢就話已經轉左個燉雞湯, 嘩...你唔使問聲我地架, 自把自為, 仲要話問左經理, 非常皇恩浩蕩咁已經轉左俾我地, 問轉其他兩款湯, 就話賣哂, 擺明吹水, 算......
叫住唔好起菜, 等齊人先, 轉吓頭就出個湯, 大佬仲有4個人未到包括公公婆婆, 你唔係要老人家飲凍湯呀, 初初仲多多藉口唔想收番個湯入去, 低能...... 點知唔夠5分鐘又出個中虾伊麵(第一道菜), 冇嘢呀......
終於齊人上菜, 次序亂哂, 個湯超油, 隻雞係微波爐番叮, 算... 差唔多食完, 個中虾伊麵同糯米飯冇出現過, 追啦, 個所謂嘅男經理聽完行左去, 之後又番嚟問我係咩伊麵, 大佬呀, 你喺到做架, 睇吓單啦, check吓電腦啦, 定係要check吓你個腦呀, 答完佢, 第二個女經理又埋嚟睇單, 睇左好內, 又問係唔係伊麵同糯米飯未上, "係呀!!" 超激氣.
最好嘢嘅係, 成晚冇人幫我地換碟, 收吓啲湯碗, 飯碗, 由佢堆哂喺到, 如果你忙到顛, 我冇話可說, 但係圍住我地嗰幾張枱走哂, 啲部長就同個帶位望住我地張枱傾計, 簡直型啦你地...... 鬧完, 清完枱就死埋嚟'針'茶, 嘩...手指指咁問你茶定水, 茶餐廳都未咁啦, 下化......
到壽飽, 話左預我地食完飯上, 又冇又要等等等等等... 仲要問番我落左幾多個, check吓單啦, 十萬個唔該......
张贴