星巴克咖啡 (已結業)

今日同朋友食完生日飯，幾個女仔為左延續未傾夠嘅話題，決定遷移去Starbucks，慢慢傾埋下半場😂本身諗住Starbucks 應該長期爆滿，加上荃灣區人口不嬲都爆多，點知去到竟然好好彩地有位坐！仲要係坐窗邊梳化，街景好好睇，影相出黎都好有feel~今次叫左「朱古力紅茶伯爵啫喱」成個名都係由我中意嘅元素組成，所以我對呢杯野完全無抵抗力😂無理由唔揀佢！平時有得揀我都會走cream，不過呢杯「朱古力紅茶伯爵啫喱」啲cream唔走得😈肥都要食曬佢，因為呢個配搭實在太完美❤️有香濃嘅朱古力味，又有清新茶味，仲有幼滑嘅忌廉，加上佢係沙冰，食cream時會食到好幼嘅冰粒，脆脆地，好正的！