OZAKAYA (已結業)

聽朋友講灣仔開咗間新嘅日本餐廳超好食，有一日行街行到9:00 call咗餐廳有位，咁就即刻上咗去食啦！望一望個Menu價錢唔平，屬於中高級日式餐廳路線。我就叫咗個ozakaya roll 同埋海膽骨髓飯，係我嘅朋友極力推介。先講吓個海膽飯，牛骨髓熱辣辣上枱，然後一啖啖將佢哋刮入海膽飯裏面撈埋一齊，果然骨髓同海膽好夾，好umami, 有豐厚嘅層次，有強烈嘅海膽味，其實兩個人可以share一碗，因為食到中間已經好飽，好膩但係又好食！至於個roll, 好厚好大個，裏面有超多魚生，有油甘魚三文魚吞拿魚飛魚子，係超級好食同埋抵，我忍唔住叫咗兩個。值得推薦！