川婆婆 (寶勒巷) (已結業)

一直由Gi 商場櫃位，幫襯到佢入小鋪，再做到餐廳，從未令我失望！今次仲要重遇返五六年前企喺Gi 櫃位煮面嗰個小老細，真係勁開心！（利申：我地唔識㗎，係嗰時幫襯買麻辣燙成日見到佢忙到爆）今次我試咗佢個雞煲，真係好好食，啲雞係即叫即煮，啲肉唔會話煮到又霉又淋，好好食，好滑！叫咗少辣，平時如果有食開辣，可以叫中辣，少辣唔係好辣。食完之後，老細過黎幫我地加湯時話啲湯唔夠辣可以加辣，我地即刻話好！加咗之後真係超惹味！今次我地無叫牛肉，叫咗萵荀，凍豆腐，五花腩，嚮鈴，竹笙，午餐肉，小食叫咗麻辣豬紅。唔使多講，呢啲全部索味野，個湯正，呢啲好難唔好食成餐嘅驚喜係，老細極力推薦嘅川婆婆招牌粉，口感似肥羊粉，超索湯，又煙韌，正到要encore，熄哂爐都要開番再叫多round。全因老細喺我差唔多食哂第一round 嘅時候，走黎介紹正宗四川火鍋嘅靈魂，麻油配生蒜！我幾年前喺成都食麻辣火鍋都係咁，一直回味緊，估唔到終於可以再重拾呢種滋味！麻油係喺四川返黎，同一般香港嗰啲唔同，好香好香，加埋啲蒜，即刻要叫多一round 招牌粉。老細好好，係咁過黎問意見，睇得岀佢真係好有heart，好有研究！個啤酒塔都正，入面應該