燒肉臻 (已結業)

尖沙咀驚喜日式燒肉，好高質呀，食物質素高，加上師傅控制火候好好，令到食物更加美味👍🏼 呢度主打日本和牛燒，有多個唔同部位嘅牛肉，最誇張係設有清酒自動販賣機，90分鐘任飲呀🤩🤩🤩 🐮牛肉盛合(二人份量）(廚師發板）有日本🇯🇵和牛三角胸小排、日本和牛背峰、美國牛小排、美國翼板、美國封門柳、厚切牛舌！一次過試到唔同部位，好滿足呀！ 牛肉入口即溶，油香滿溢🤤A4 SP和牛肉眼師傅燒得好靚，稍為點一點鹽就可以👍🏼 入口即溶，但係又唔會太「油膩」！ 滿滿嘅幸福感！伊比利亞夾心肉呢個豬肉都好有驚喜，口感似豬頸肉爽口！日本味噌五花腩肉汁豐富，好juicy 呀！炭火雞呢一個炭火雞，真係好特別，師傅燒到外層陣陣炭香味，仲有少少焦，但估唔到入邊嘅雞肉，仲可以咁鮮嫩多汁👍🏼甲羅燒，呢度嘅甲羅燒係我食過最好味，味道冇咁鹹，而且仲有淡淡的鵪鶉蛋奶油香，配搭餅乾食，口感味道一流。活帆立貝：超大隻，睇住師傅用火槍喺上面燒，好治愈😂 好新鮮！口感爽口，仲有淡淡牛油香味。日式蒜蓉大虎蝦呢個蒜蓉大虎蝦都不得了，睇住師傅喺燒之前鋪滿新鮮蒜蓉，而且大虎蝦開邊好靚，燒完之後，蒜蓉燒到好香，芬香撲鼻，咬一啖大虎蝦，超好食🤤燒日式魚