影片
更多
2021-08-02
129 浏览
聽講開左間雞湯米線，是日同朋友黎開土瓜灣，順便黎搵下先。小店係一條唔太起眼嘅小巷入面，店名有可愛小雞坐鎮，門口餐牌上的字體都好得意。小店大概有廿十多坐位左右，枱上有各種調味品，摸上手很乾淨。坐低後店員亦送上滾水浸泡餐具，感覺衛生。小店裝修簡約燈光柔和，冷氣十足坐得舒服。跟餐可以優惠價4蚊加飲品，叫左豆漿同可樂。最近少食菜，見到餐牌有呢個蟲草花杞子浸翡翠苗即刻叫左。菜苗好多啊～成碗滿晒，個湯好清甜，浸住啲菜苗都搞到好好味，呢個湯底勁重菜味。主食方面就點左手撕雞淮山麵，賣相不錯嘛。手撕雞鹹香入味，有點似沙薑雞嘅味道，再多點芝麻香，雞絲軟嫩好好味。淮山麵爽口，吸了湯汁好正。呢碗係椰子雞湯，清甜香口，飲到陣陣椰香同雞味，真材實料呢。朋友叫左蟲草花膠雞湯淮山麵，滿滿一大碗的。好足料！有成隻雞脾，仲有好多花膠同蟲草花，湯底極濃郁，勁重雞味好好飲！跟餐可以加個上湯時菜雲吞，雲吞鮮味，三粒大大粒㗎。小店仲有串燒食，叫左兩串牛肉串同羊肉串，燒得香口，孜然粉調味好味，只係略微乾了一點。仲有原條燒茄子，睇到出晒煙嘛？！即刻燒出黎熱辣辣呀～蒜味超香，辣辣地夠惹味。總括黎講個雞湯無得輸，椰子同花膠兩款都好好味，
小店係一條唔太起眼嘅小巷入面，店名有可愛小雞坐鎮，門口餐牌上的字體都好得意。
小店大概有廿十多坐位左右，枱上有各種調味品，摸上手很乾淨。坐低後店員亦送上滾水浸泡餐具，感覺衛生。
小店裝修簡約燈光柔和，冷氣十足坐得舒服。
跟餐可以優惠價4蚊加飲品，叫左豆漿同可樂。
最近少食菜，見到餐牌有呢個蟲草花杞子浸翡翠苗即刻叫左。
菜苗好多啊～成碗滿晒，個湯好清甜，浸住啲菜苗都搞到好好味，呢個湯底勁重菜味。
主食方面就點左手撕雞淮山麵，賣相不錯嘛。
手撕雞鹹香入味，有點似沙薑雞嘅味道，再多點芝麻香，雞絲軟嫩好好味。
淮山麵爽口，吸了湯汁好正。呢碗係椰子雞湯，清甜香口，飲到陣陣椰香同雞味，真材實料呢。
朋友叫左蟲草花膠雞湯淮山麵，滿滿一大碗的。
好足料！有成隻雞脾，仲有好多花膠同蟲草花，湯底極濃郁，勁重雞味好好飲！
跟餐可以加個上湯時菜雲吞，雲吞鮮味，三粒大大粒㗎。
小店仲有串燒食，叫左兩串牛肉串同羊肉串，燒得香口，孜然粉調味好味，只係略微乾了一點。
仲有原條燒茄子，睇到出晒煙嘛？！即刻燒出黎熱辣辣呀～蒜味超香，辣辣地夠惹味。總括黎講個雞湯無得輸，椰子同花膠兩款都好好味，另外翡翠苗同雲吞個兩碗就係清湯，但我地都無放過，咁多碗湯都飲晒，哈哈，太好飲了唔好浪費。
张贴
