韓宮 (已結業)

約客人食生日飯，佢想食醬油蟹，於是就揀咗黃埔站外嘅韓宮，坐低就有3小碟前菜俾客人，菠菜味道清新，醃蘿蔔及青瓜酸甜開胃，醬油蟹$198擺盤好靚，蟹隻肥美多膏，據講係店主自家新鮮醃製，就咁食鮮甜惹味，將啲蟹肉蟹膏唧出嚟，撈飯食更正，烤肉套餐A $399好大份，除咗有3款肉之外，仲有各式配菜。烤肉焦香惹味份量又多，兩個人幾乎食唔晒，冷麵配以清湯蘿蔔，味道清新去膩，最啱食完烤肉食。原來店主係獲獎廚師，食物地道美味，可以再吃。