阿叔泰麵 (西菁街) (已結業)

呢間阿叔泰麵喺元朗都開左好耐，都幾出名💛。佢主打船麵，船麵姐係湯頭用左豬血或牛血混合香料調整而成，比一般牛肉湯底更加濃郁。佢店鋪樓面唔算太大，但好有特色壁畫同半開放式窗門設計，幾有地道特色😊。我地今日兩個人叫左： 🔸️牛肉船麵配金邊粉（$66，8.8／10）新鮮牛骨湯配牛腩及牛丸，芽菜，通菜，花生碎及炸豬皮。店舖有提示食船麵要加4款調味料：魚露，白糖，白醋，辣椒粉，仲話“四大調味，決一不可”🤭。我用左呢個食法，個湯底真係更加鮮味，更濃郁，牛味湯十分之突出！牛腩好多舊好焾，金邊粉都好滑（唔夠可加$5加底），仲好欣賞佢個炸豬皮，香口！ 🔸️泰式椰子雞湯麵配金邊粉（$60，8.8／10）配合雞肉，雜菇，車厘茄。清清地既選擇，椰子味十分之濃。 🔸️泰式豬頸肉（$60，8.8／10）即叫即煎，好香口，好入味既香茅味，豬頸肉都keep到好嫩好juicy。好有地道泰國風味。