Le Monde

营业中

休息中

終於等到星期六放假，可以同friend出去食餐好。今次我哋揀左一間係觀塘，而且淨係開星期六日嘅西餐廳。咁特別嘅餐廳一定要試下😍餐廳嘅裝修同擺設都好靚，而且座位又大又舒適，啱晒同朋友嚟傾偈食飯😋我地叫咗北海道帶子配野菌意大利飯 ，帶子非常新鮮，味道鮮甜，仲要一啲都唔腥。口感非常爽口。意大利飯煙煙韌韌，有非常濃郁嘅野菌味。野菌嘅味道令到帶子嘅鮮味更突出。非常好食😋除咗意大利飯之外，我哋仲叫咗波士頓龍蝦配鮮茄蟹肉意大利粉 ，賣相好靚！而且龍蝦非常大隻同新鮮。口感爽脆，味道鮮甜。好正！意粉充斥着龍蝦汁同勁多嘅蟹肉，口感非常豐富，而且龍蝦嘅味道非常濃郁。真係勁正！呢個真係食到停唔到口😋