家家戶戶

营业中

休息中

家人話好耐無食韓國菜，所以日前帶左佢去位於尖沙咀韓國街的家家戶戶品嚐一下傳統韓國家庭菜。以前和友人來過，體驗不錯，食物高質，傳統韓屋的裝潢亦很舒適，遺坐位較逼但仍可接受，性價比可算是極高。純豆腐海鮮湯我一向都十分喜愛韓式豆腐湯，微酸帶點辣，非常醒胃，而這裡的豆腐湯調味十分出色，加上大量海鮮，十分鮮甜。豆腐超級嫩滑，餸白飯真的很絕！隨餐仲附有一枝益力多，做甜品都幾開心。韓式牛肉石鍋飯石頭鍋飯熱熱送上，內有翠肉瓜、菠菜、大豆芽、牛肉加隻雞蛋，將韓式辣醬拌勻所有食材，有益又好味，最驚喜是食到最後，鍋底結焦有鍋巴，食落香脆，超加分。隨餐仲附有一碗海帶湯，同樣都有一枝益力多。