影片
更多
2017-02-15
4035 浏览
對於屯門元朗人來講，萬方冰室就絕對唔會陌生，好多人都有介紹過，但奇怪地我地居然未食過，經過幾次真係太多人排隊，只好放棄。咁啱上星期六去開新墟，即管睇下，居然唔係好多人等位！可能熱情已經冷卻左，哈哈，啱哂我，大約15分鐘有位。等嗰陣仲喺度研究佢地門口個懷舊機械磅，好得意入2蚊就會自動磅重，仲有張飛仔跌出黎！撘枱係基本，客人多，所以都明白。而且我覺得坐得唔算好逼，好過華嫂啦。生炸無敵大雞脾配沙律 $34隻雞脾好似變咗種咁，大到不行了由於係生炸，熱辣辣，肉質仲保持到嫩滑，唔乾但略嫌味道偏淡，無乜調味，可能要加返少少淮鹽吊下味就完美~配嘅係薯仔青瓜沙律，個人幾抗拒薯仔沙律，唔鍾意個口感，好彩佢切得夠細粒，加上青瓜都夠多，補足返，加上唔會撈得好酸，所以都食晒。碟底有張墊底嘅吸油紙，切起上黎有啲困難，好怕會切埋張濕咗嘅紙，食埋…手撕清遠雞湯米餐 配 菜糕蛋 + 凍菊花 $45手撕清遠雞湯米本身個湯底聲稱天然熬制，睇落幾清澈，唔油，飲落淡香，合食得清淡人士。原隻清遠雞手撕，雞絲少量，米粉質地硬身，配少量銀芽，啱我口味，起碼唔會似一般茶記啲米粉，又粗又淋。成碗食落有啲似食緊清湯雞絲翅，哈哈，可能我諗多
咁啱上星期六去開新墟，即管睇下，居然唔係好多人等位！可能熱情已經冷卻左，哈哈，啱哂我，大約15分鐘有位。
等嗰陣仲喺度研究佢地門口個懷舊機械磅，好得意入2蚊就會自動磅重，仲有張飛仔跌出黎！
撘枱係基本，客人多，所以都明白。而且我覺得坐得唔算好逼，好過華嫂啦。
生炸無敵大雞脾配沙律 $34隻雞脾好似變咗種咁，大到不行了
由於係生炸，熱辣辣，肉質仲保持到嫩滑，唔乾但略嫌味道偏淡，無乜調味，可能要加返少少淮鹽吊下味就完美~
配嘅係薯仔青瓜沙律，個人幾抗拒薯仔沙律，唔鍾意個口感，好彩佢切得夠細粒，加上青瓜都夠多，補足返，加上唔會撈得好酸，所以都食晒。碟底有張墊底嘅吸油紙，切起上黎有啲困難，好怕會切埋張濕咗嘅紙，食埋…
手撕清遠雞湯米餐 配 菜糕蛋 + 凍菊花 $45手撕清遠雞湯米
本身個湯底聲稱天然熬制，睇落幾清澈，唔油，飲落淡香，合食得清淡人士。
原隻清遠雞手撕，雞絲少量，米粉質地硬身，配少量銀芽，啱我口味，起碼唔會似一般茶記啲米粉，又粗又淋。成碗食落有啲似食緊清湯雞絲翅，哈哈，可能我諗多咗。
菜糕蛋膠做嘅蛋殻，裡面係冰花大菜糕，甜甜地，好懷舊！
凍菊花茶用細玻璃樽上，有心思，菊花味出得嚟唔會太濃，甜度適中，飲落清新舒服。
紅豆冰 $20冰杯上，紅豆比例佔三分一，呈粒狀唔硬但有口感。
奶算香滑唔似溝咗太多冰同水，中甜，唔錯。
不過雞脾餐唔配飲品，單點略貴。
整體嚟講，食物唔錯，價錢唔貴，兩個人一舊水埋單，伙記態度亦好，起碼爽手無西面，會再黎的。
张贴
