INN - I’m Not Nothing (已結業)

今日星期日約左個老朋友敘舊，唔想簡太太太多人嘅地方行遠D去左九展依間餐廳。觀塘分店食過一次，所以我都冇擔心過好唔好食。地方裝修得好令，坐得好舒適。食野方面我地叫左慢烤加拿大保濕豬肉眼配櫻桃沙律醬、刁草蒜香牛油焗鯛魚柳配南瓜薯蓉。野飲我地叫左士多啤梨藍莓奶昔、西柚檸檬梳打。首先黎左嘅係餐湯，係忌廉湯黎，質感細滑。然後野飲都好快上左，我杯奶昔打卡一流，唔會太甜，朋友這Soda都係水平之上。到主食…非常大份嘅扒！！！我同朋友小小嚇親🤣就連薯蓉定南瓜蓉都係一D都唔會就住咁落，擺滿成隻碟。味道方面，豬肉眼雖然勁厚但一D都唔鞋口，同櫻桃沙律醬意外禁夾。朋友嘅魚柳表皮煎得香脆，加上蒜味令人一口接一日。食到一半開始人多，果然好食嘅餐廳無論開係邊都會有人特登過黎！