相馬日式火鍋 (已結業)

呢間相馬日式火鍋真係要推介俾大家。性價比超高👍🏻，食物種類多😋, 仲好高質。除咗火鍋之外，佢地仲有串燒炸物呢啲放題先有的食物任點。 而且呢度火鍋一人一鍋，疫情下確保衛生。👍🏻👍🏻 呢度只有一款牛肉 (美國特選牛肩胛)、一款豚肉 (日本鹿兒島黑豚肉) 同埋雞腿肉可揀。三款肉都好高質，牛肉同豚肉均油花分明，肉味香濃。 除咗豬牛雞之外，當然仲唔少得日式火鍋其他配料啦：丸類、餃子、菇菜類、粉麵類一應俱全。 除咗以上既食物之外，呢度最特別之處係，除了日式火鍋，仲有放題既野食可以叫：串燒、炸物、雞翼等等。而串燒係好好食，可以媲美串燒店呢～🍢😋 當然最後仲有飲品同雪糕任食啦，呢度有白色罐裝可樂呀，外邊小見。