殿·大喜屋

营业中

休息中

好多人都極力推介我黎呢間食放題，而家d 放題竟然開左係酒店入面，成個格局立即高級左，以前細個覺得食放題係好野，但自從人大左就唔中意食了，覺得呢d 價錢不如去食其他日本野，仲高質啦。但由於呢間實在太多人讚，所以就決定同屋企人去。我揀左530p 呢個時段，會比起其他時間平少少，先講個場，佢同以前花月庭個格區冇乜點變，所以坐得算舒服，擺放野食d 區域都好闊落，整體舒適。野食方面，同1般放題店一樣，有刺身熟食鵝肝雪糕等。刺身方面，好靚仔又好好味，絕對好過食元x, 爭x 果d 壽司店，而且任食黎講食刺身已經可以回本。鵝肝都係好推薦，勁大塊又厚身，食完一舊已經好滿足。海鮮方面都唔少，東風螺長腳蟹蒜蓉扇貝等，應有盡有。最後不得不提軟雪糕機，好軟綿又香甜，我自己都食左兩杯呢！整體黎講真係好唔錯，如果慣左早食飯揀530p 呢個時間就最抵！