小草十八怪石鍋米線 (已結業)

就咁睇店名頭5個字，實在估唔到係食咩😂米線就成日食（自問係米線控），石鍋米線就少見啲。石鍋米線分別可選3款、6款同9款餸（叫6款餸以上就可以選擇自己親自烹煮）餸方面都有幾多選擇！例如花膠/小龍蝦/牛肋條/帶子⋯都幾有誠意。湯底方面都有7款選擇咁多，正當我地苦惱緊咩湯底既時候，職員好主動咁話拎啲唔常見既湯底比我地試，呢個服務好加分呀！［豬軟骨/魚浮泡/蟲草花 酸菜魚湯米線］酸菜魚湯好夠味🫶🏻豬軟骨好大舊好夠淋，魚浮泡係類似魚腐咁，裡面有魚肉。［嫩滑雞肉/翡翠苗/蛋餃 蟹皇湯米線］蟹皇湯真係有蟹肉味架，唔係流料，都幾鮮甜🤤好少可有得揀翡翠苗，雞肉堅滑。蛋餃係蛋皮入面包住大大粒肉丸，正🤤［臘腸排骨荷葉飯］爆多排骨😂好滑，好香荷葉味！其實唔使加豉油已經好香好好味！份量仲要好多！下次要試埋啲海鮮飯～呢度仲有烤魚同串燒⋯好多選擇，又抵食！仲有好多野想試，一定再黎試。