影片
更多
2008-10-07
9 浏览
呢間食店係我哋每次去九龍城必定前往朝聖嘅地方，而成日係九龍城開飯亦都係因為佢，去到如果人多，就會去食第二間先，然後留肚番轉頭食佢，唔理有冇招呼，亦唔理坐得有幾咁逼，一心都係為咗呢個牛肉餅！上星期一晚好好彩，唔係好多人，唔駛等好耐，可能過晒食飯時間啦！舖頭細細，仲有間A貨喺同一條街，但係佢永遠都咁好生意，食完就知點解嘞！我哋入去坐低就叫咗： 牛肉餅：實在太美味啦 ，皮薄兼鬆化，要好小心咬開，唔係就會射到一枱都係兼嘥晒！入面嘅牛肉好滑好鮮味，你仲會見到好多肉汁浸住嚿牛肉，一於吸晒啲汁先。雖然塊皮好薄，入面又咁多肉汁，但係食咁多次都好少話會穿，整餅師傅真係好掂，平時見佢一路整，一路講嘢，又或者睇吓單，唔似好專心，但係整出嚟嘅就真係搶晒食客嘅心！ 咖喱羊腩麪：羊腩好稔唔羶，入晒味，正！麪就冇乜味，但係都夠彈牙，當你成碗咖喱倒晒落碗麪度，你就知點解呢碗麫冇味嘅真正原因嘞，麪條索咗啲咖喱汁，搵番個靈魂，完美！ 小籠包：我食小籠包成日漏晒入面啲汁先食，但喺呢度食我就一滴不漏，因為包入面啲肉汁同牛肉餅入面嘓啲鮮甜度差唔多！一夾起要小心，你會見到個包因為啲肉汁而下墜，一啖吞咗佢，鮮肉味同啲汁喺口入面不停
呢間食店係我哋每次去九龍城必定前往朝聖嘅地方，而成日係九龍城開飯亦都係因為佢，去到如果人多，就會去食第二間先，然後留肚番轉頭食佢，唔理有冇招呼，亦唔理坐得有幾咁逼，一心都係為咗呢個牛肉餅！
上星期一晚好好彩，唔係好多人，唔駛等好耐，可能過晒食飯時間啦！舖頭細細，仲有間A貨喺同一條街，但係佢永遠都咁好生意，食完就知點解嘞！我哋入去坐低就叫咗：
牛肉餅：實在太美味啦 ，皮薄兼鬆化，要好小心咬開，唔係就會射到一枱都係兼嘥晒！入面嘅牛肉好滑好鮮味，你仲會見到好多肉汁浸住嚿牛肉，一於吸晒啲汁先。雖然塊皮好薄，入面又咁多肉汁，但係食咁多次都好少話會穿，整餅師傅真係好掂，平時見佢一路整，一路講嘢，又或者睇吓單，唔似好專心，但係整出嚟嘅就真係搶晒食客嘅心！
咖喱羊腩麪：羊腩好稔唔羶，入晒味，正！麪就冇乜味，但係都夠彈牙，當你成碗咖喱倒晒落碗麪度，你就知點解呢碗麫冇味嘅真正原因嘞，麪條索咗啲咖喱汁，搵番個靈魂，完美！
小籠包：我食小籠包成日漏晒入面啲汁先食，但喺呢度食我就一滴不漏，因為包入面啲肉汁同牛肉餅入面嘓啲鮮甜度差唔多！一夾起要小心，你會見到個包因為啲肉汁而下墜，一啖吞咗佢，鮮肉味同啲汁喺口入面不停咁轉！即刻要食多一個嚟助興先得！
呢間嘢我從來未失望過，因為我從來唔會响五、六、日同埋公眾假期過嚟，亦唔會喺食飯時間過嚟！除咗太多人喺門口等之外，入到去個個都等食牛肉餅，出品有幾大影響可想而知啦！有時要食好嘢除咗要搵啱地方，仲要搵啱時間，唔係同一樣嘢你食就冇料到，我食就驚為天人架啦！
张贴
