蝦蝦燒 (已結業)

本身唔係話好特別中意食流水蝦，今日朋友生日，朋友本身好鍾意食海鮮，所以就決定試試！餐廳標榜有得燒鮑魚同各種海鮮，仲要有得玩夾流水蝦，所以都幾旺場，見到差唔多坐滿晒。先講餐廳環境，佔11樓全層，大部份位置都可以坐蝦缸旁，啲蝦有唔少都真係跳跳紮，夾左放水桶都會跳返出嚟，所以餐廳提供大量冰塊，要放入冰桶凍量佢！餐廳提供左粗鹽、味椒鹽同孜然粉，可以添加在蝦上，更加惹味！唔係話特別鍾意食蝦嘅我都好享受夾蝦嘅過程。吸引我嘅係其他海鮮，有紅衫魚、扇貝、鮑魚、蜆、生蠔，好似魚檔咁，好過癮。魚嘅種類都有三種，基本上唔會食唔飽。平均燒一款海鮮預5-10分鐘，特別一提嘅係鮑魚好新鮮，海鮮種類真係好多好抵食。串燒有牛有羊有雞腎雞軟骨雞翼，可以放在第二層，特別推薦嘅係佢嘅蒜蓉包同埋窩夫，本身已經好夠味道，再加少少牛油就更加Perfect！汽水任飲雪糕任食，我自己覺得最抵食嘅係海鮮，最好玩嘅係夾蝦，燒海鮮期間又可以食幾串串燒，食得多日本放題刺身既話，自己親手燒海鮮更加過癮！