校長燒肉日韓料理 (大埔廣場)

营业中

休息中

說話呢間餐廳食物飲品種類真係好多，食完係會再次幫襯，因為唔洗諗乜都有🤣今次六點半去食，超級熱鬧，好彩有訂位咋。一嚟到梗係食啲刺身先，大大隻虾🦐好鮮甜，蝦頭仲一啲都唔苦，三文魚同八爪魚都夠新鮮😋除咗有三文魚、仲有吞拿魚、劍魚、希靈魚、玉子、帶子同蟹柳。呢度好似食街咁，兩邊食物可以自己拎。熟食好多花款，熱食有魚、煮花螺、炒蜆、南瓜湯等，仲有點心。打邊爐、燒肉配菜都好多，咩口味都有。可以一邊燒肉，一邊打邊爐，正！其中最特別係好多嘢飲，除咗罐裝嘢飲，仲有冷泡茶，唔鍾意飲凍嘢，仲有自製花茶，同埋有樽裝熱維他奶👍🏼我今次自製左檸檬陳皮蘋果花茶😆😆整體嚟講，真係好多款食物同飲品，又想韓燒又想食打邊爐就啱晒。