影片
更多
2021-07-13
61 浏览
晚餐時間見到幾多人食緊，自己好想食芒果糯米飯就揀左同男朋友食金坊，店員姐姐個個都好有禮貌，一叫就黎反應快服務好，真係食都食到開心啲，先叫左個海南雞飯同海南雞湯河填飽肚先，海南雞份量多，全部都啖啖肉，而且無血，真係雞肉，唔係啲奇怪部位，佢個醬汁係泰式酸辣汁，係另類既海南雞風味，黃薑飯好食，佢地既河粉係好寬，似布河粉，自己從未試過但發現都幾好食，比普通河粉有咬口，蒜蓉炒通菜大大碟，炒得好香惹味，食唔哂我地仲打包做餸添，最後就係我最期待既芒果黑白糯米飯啦，煙煙韌韌好好食，芒果有2大舊切埋粒粒，將椰汁淋上去，3種味道既配合簡直完美哈哈，芒果又新鮮又甜，椰汁唔夠仲可以無限添，都只係68蚊咋，個人認為真係抵食，而且佢地餐牌選擇好多，我相信總有一款啱你地食👍
张贴
