影片
更多
2024-01-24
54 浏览
今日2個人去元朗行街，喺千色廣場附近，發現隱世美食，原來喺巷仔入邊，有一間任飲任食日式放題餐廳。巷仔放咗好多易拉架，有餐牌同埋圖片，而舖頭嘅座位間，係要落樓梯，喺地底。見到餐牌有好多食選擇，所以就入去試吓。地底原來裝修得好靚，有水晶吊燈，係世色加日式風味嘅感覺。我哋安排咗坐卡位，梳化好寬敞、又舒服。食放題，首先order一盤刺身，刺身有：三文魚、吞拿魚、螺肉、蝦、帶子….. 刺身好新鮮，夠冰凍，蝦好大隻，仲有蝦膏，好香甜。放題升級版可以有生蠔一打，同埋好多升級嘅菜式可以選擇。生蠔好新鮮，有蠔嘅鮮味，又保留左海水嘅鹹味。熟食方面串燒係好值得推介嘅，串燒雞軟骨、串燒豬頸肉、燒新鮮菠蘿切片等等….. 熱辣辣，加咗適量嘅調味，好正。鍋物叫左牛肉壽喜燒、蟹粉蟹皇粥，牛肉好香滑，新鮮有牛味，壽喜燒湯底好香濃，配菜有滑豆腐、娃娃菜、金菇等等，好入味。蟹粉蟹皇粥真係勁多蟹粉、蟹膏、蟹肉，好足料，好好味。仲有試咗好多其他熟食：日式蒸水蛋、炸雞球、芝士年糕、雞翼、芝士玉子燒、慢煮牛舌、蒜蓉焗蠔、牛油粟米、酒煮藍貝、南瓜天婦羅….全部都好正。用QR code落單，食物好快就準備好送上枱，效率好高。飲品可以揀
食放題，首先order一盤刺身，刺身有：三文魚、吞拿魚、螺肉、蝦、帶子….. 刺身好新鮮，夠冰凍，蝦好大隻，仲有蝦膏，好香甜。
放題升級版可以有生蠔一打，同埋好多升級嘅菜式可以選擇。生蠔好新鮮，有蠔嘅鮮味，又保留左海水嘅鹹味。
熟食方面串燒係好值得推介嘅，串燒雞軟骨、串燒豬頸肉、燒新鮮菠蘿切片等等….. 熱辣辣，加咗適量嘅調味，好正。
鍋物叫左牛肉壽喜燒、蟹粉蟹皇粥，牛肉好香滑，新鮮有牛味，壽喜燒湯底好香濃，配菜有滑豆腐、娃娃菜、金菇等等，好入味。蟹粉蟹皇粥真係勁多蟹粉、蟹膏、蟹肉，好足料，好好味。
仲有試咗好多其他熟食：日式蒸水蛋、炸雞球、芝士年糕、雞翼、芝士玉子燒、慢煮牛舌、蒜蓉焗蠔、牛油粟米、酒煮藍貝、南瓜天婦羅….全部都好正。用QR code落單，食物好快就準備好送上枱，效率好高。
飲品可以揀日本清酒，好精緻，一壺俾你自己倒嚟飲。
甜品食左窩夫、榴槤雪條、芒果雪條。有好多選擇，太多太多，下次會再嚟食埋其他款式。
张贴
