和牛燒肉一郎 (寶漢大廈) (已結業)

成日都會經過銅鑼灣，和牛燒肉一郎喺正銅鑼灣廣場對面，位置便利，周不時都望到佢招牌但未有機會去，今次機緣巧合下試到。和牛放題價錢根據和牛等級而定，就咁睇300幾400幾會覺得貴，但吾好忘記系和牛放題，中中挺挺揀咗course B，用餐時間120分鐘，可以享用多款上等牛肉、海鮮、刺身、小食。牛肉薯餅香脆可口，牛肉餡料軟綿綿，做餐前小食真不錯。燒肉除咗燒肉當然仲有其他食物選擇，燒蝦肉、帆立貝鮮味十足。舟盛合賣相精美🛳包含牛里脊肉、牛肋條、帆立貝、海蝦等材料，非常豐富。桶盛合同樣吸睛，有牛肋肉同埋牛里脊肉，加埋數款日式野菜、豬肉、雞肉，豬牛雞都可以試勻曬。極上牛舌棒頗有嚼勁，同平時喺居酒屋食到吧牛舌有分別。牛肋肉油脂分佈均勻，有入口即溶感覺。薄炙牛里脊肉好大塊😆可以用大火燒🔥燒味明顯仲好有口感，肉味較小塊肉香濃。飲品種類繁多亦有特色，有數款果汁、西瓜紅莓茉莉茶🍉美人果茶、青瓜奇異果綠茶🥒🥝甘筍蘋果水🥕🍎微微甜味清新解膩。而最令我驚喜嘅系雪條😆雪條可以有幾驚喜？有明治雪條呀～喺出面真系勁少食到😵四方雪條梳打味好似波子汽水味，海鹽荔枝鹹鹹甜甜好味呀😋