諾亞半熟蛋糕專門店 (已結業)

回到家發現屋企人買左諾亞嘅蛋卷，仲買左兩種味，每樣留左一半比我，放工鬼咁肚餓，立即開黎食先。貓形盒好可愛原味蜂蜜蛋糕 $78嘩，一見到就覺得正，最鐘意食cream！試下先，真係有淡淡嘅蜂蜜味喎，甜甜地但唔膩，個cream好滑。綠茶蛋糕 $88另一款係綠茶，望落去個色就好得啦，試一啖，蛋糕有綠茶味，cream都有，但唔濃，比想像中較甜，仲諗住佢咁綠會係苦個種綠茶添。兩個都好好味，啱哂啲鍾意食忌廉嘅人呀！