影片
更多
2021-12-10
129 浏览
早排試咗呢間以恐龍為主題嘅餐廳🦖，主打腐皮壽司，款式都有成12款咁多。我哋試咗其中6款，賣相係幾吸引嘅，但味道真係好特別🧐 到底點樣先可以整到壽司上嘅餡完全冇味道，我同朋友都只食到腐皮嘅甜味🙂 如果我哋合埋眼食，應該會完全分唔到自己到底食緊咩😅 我食嘢都算食得好清，應該唔係我嘅味覺出現咗問題😀 另外我哋仲食咗岩手串燒拼盤，燒雞皮係幾香脆，但燒雞腎、雞軟骨同燒雞肉又係冇乜味。仲要除返開係$40一串，真心偏貴。蜜糖芥末炸雞就偏濃味，重味到食咗兩舊就會覺得好滯。成餐飯比較正常嘅有辣吞拿魚拖羅蓉丼，食落都新鮮同幾大碗。嚟之前其實我都冇乜特別期望，但冇諗過食物質素原來會係咁，仲要定價都偏高。餐廳裝修擺設係有心思嘅，但食物方面真係需要再改進。腐皮壽司芝士蟹籽厚燒玉子 $29炙蟹膏厚燒玉子 $32辣味三文魚 $33 明太子芝士蛋黃三文魚 $35牛油蒜香赤蝦 $35柚子胡椒油甘魚蓉 $29蜜糖芥末炸雞 $89岩手串燒拼盤 $160辣吞拿魚拖羅蓉丼 $168
另外我哋仲食咗岩手串燒拼盤，燒雞皮係幾香脆，但燒雞腎、雞軟骨同燒雞肉又係冇乜味。仲要除返開係$40一串，真心偏貴。
蜜糖芥末炸雞就偏濃味，重味到食咗兩舊就會覺得好滯。
成餐飯比較正常嘅有辣吞拿魚拖羅蓉丼，食落都新鮮同幾大碗。
嚟之前其實我都冇乜特別期望，但冇諗過食物質素原來會係咁，仲要定價都偏高。餐廳裝修擺設係有心思嘅，但食物方面真係需要再改進。
腐皮壽司
芝士蟹籽厚燒玉子 $29
炙蟹膏厚燒玉子 $32
辣味三文魚 $33
明太子芝士蛋黃三文魚 $35
牛油蒜香赤蝦 $35
柚子胡椒油甘魚蓉 $29
蜜糖芥末炸雞 $89
岩手串燒拼盤 $160
辣吞拿魚拖羅蓉丼 $168
张贴
