富臨皇宮

营业中

休息中

近來去多了酒樓飲茶，晚市酒樓晚飯就比較少，同同事趕完project大家都話試吓酒樓晚市。見到優惠當然唔好執輸，$1 金陵片皮鴨半隻一定要叫，然後叫個杏汁白肺湯再加個晚飯堂食孖寶-東星斑配燒鵝例牌。金陵片皮鴨半隻雖然$1，但一d都唔馬虎，賣相擺盤都做齊。用熱辣辣的薄皮包住油潤甘香嘅燒鴨，皮夠香脆，不會有過多脂肪，食落皮脆肉滑，夾住青瓜及京蔥再加上特別調較的燒鴨醬，真係好味。杏汁燉白肺湯好大一鍋，熱辣辣應該有8-10碗。入口有杏汁香，感覺滋潤，真材實料，好多件豬肺。杏汁嘅味唔係人人接受到，但我就好鍾意，如果個湯杏汁再濃d就更好了。堂食孖寶（東星斑配燒鵝例牌）東星班好大條，我諗唔止一斤，絕對夠4個人食，條魚好新鮮，魚肉嫩滑，食落好有鮮甜味，蒸魚豉油好味有提鮮效果。燒鵝半隻，獲分配超正燒鵝脾，驚喜的是完全唔多肥膏，皮脆肉滑，食落好嫩，燒鵝汁又好味。今晚每樣都抵食夾大件，質素高而且份量好足。