名館 (希慎廣場) (已結業)

今日去咗銅鑼灣Hysan Place 買野，行到一半，屋企人話餓就去左樓上食中菜。呢到呢間明館門口有填鴨食，諗住入去叫鴨， 點知要晚市先有， 咁就照食點心放題，睇落都多點心選擇。一坐低就有一樽好大嘅蕎麥茶， 填紙仔就發覺真係好多野揀。 第一輪就剔左好多野食，每樣野食如果你剔1, 佢就會上1粒1件，幾方便食完1件之後再決定翻叫。 小籠包幾好食，皮薄有湯肉唔散；煎蓮藕餅好值得推薦，真係好脆又唔燶唔乾，入面仲有d 肉汁。 鮮奶酥幾脆，唔乾入面。 蝦餃燒賣都好大粒好好食，蘿蔔糕即煎非常惹味。啤梨鹹水角幾特別，真係成個啤梨咁炸出黎， 又有d 綠綠地。 豬腸粉呢d 地道野都有真係幾驚喜， 夠白雪雪滑劣劣。 有d 點心好想食不過就可能我地太遲先入座，所以俾人叫晒，例如鴛鴦流汁叉燒包，等下次下過再睇下呢個叉燒包點流汁法。 另外個黑毛豬肉粽，又係好想食，話晒都就黎端午節。 佢有d 甜品都幾得意，好似個妃子笑同奶皇糕幾即得食。 埋單300左右，真係算係咁係Hysan Place.