德膳壽司 (已結業)

從雜誌得知上環"德膳壽司”，放題定位於中高級路線，全店以矜貴食材行先，所以我同至愛就去試下。我地訂左頭輪六点開始，未夠鐘已經人頭湧湧，人氣旺盛。我地最鍾意食刺身，所以第一round我地點了甜蝦，大赤蝦，油甘魚，三文魚腩，北寄貝等，刺身件件厚切，非常新鮮，正👍，全部都要encore海膽壽司，滿瀉嘅海膽，見到都已經垂涎欲滴花之戀，三文魚包裹著壽司飯，中間加上沙律醬，上面係滿滿的飛魚子，就像一朵含苞待放的玫瑰花，太靚啦有D唔捨得食！原來呢個名字浪漫，外型美觀的壽司，係香港人創作架牛油果軟殼蟹卷，有沙律醬、飛魚子，用兩片牛油果包裹著飯、紫菜，中間係好大舊嘅蟹，層次感好豐富壽司都係即叫即做，例如：火炙芝士蝦、紋甲魷魚、美國牛肉、北海道帆立貝等，入口仲暖暖地架😉！而我最愛嘅燒炸物亦做得非常出色及有水準😄最後，食埋D甜品就啱啱好，各方面都不錯，雖然有漏單情況，但都可以接受。