滿屋日本料理 (大鴻輝(荃灣)中心) (已結業)

食放題一般都係多品種，價錢抵，就已經好受歡迎😍但我從未食過好似今次食得咁豪😝 大拖羅，海膽，鮑魚，花膠都可以任食嘅放題，我真係第一次試咋🥰 任飲任食就係必然架啦，呢度有清酒，梅酒，啤酒，apple cida都係任👍 價錢有平有貴，二百幾蚊就可以任飲任食，識食嘅我就緊係食$588嘅‘極緻拖羅×海膽×鵝肝×龍蝦’套餐啦😋😋😋 搶先叫客大拖羅配松葉蟹腳，一般要大酒店自助餐先食到，“滿屋”居然有齊👍 大拖羅佈滿精緻的魚油花紋, 口感入口即溶油香四溢而又鮮甜無比, 完全不膩!  松葉蟹腳啖啖肉，滋味😋 加拿大海膽橙黃色，甘腴鮮甜，入口即溶，味道甘甜鮮美😍 香煎鵝肝鵝肝表面脆皮，內裏軟滑，甘香肥美，好食🥰 三文魚，油甘魚，北寄貝，大赤蝦，希靈魚，原粒帶子。。。刺身又多款又新鮮👍 大赤蝦好大隻，長過隻手😝蝦頭仲有好豐富黏口嘅蝦膏😋😋😋 白松露大拖羅壽司，明太子大拖羅壽司，入口即溶嘅拖羅，真係好食到停吾到口，厚厚嘅拖羅，配細細粒嘅飯，比起淨係食刺身，又有另一番風味🤩熟食有麻辣小龍蝦汁煮鮑魚蒲燒鰻魚，鮑汁燴花膠，黃金燒扇貝，薄燒牛肉，串燒牛舌，連瑤柱蟹肉翅都有。。。 啲花膠大大塊，又綿又滑，炆得好入味，