龍門冰室 (已結業)

之前係紅磡食過龍門，見到屋企附近新開左一間分店，當然要黎試下！今日lunchtime過黎，無諗過佢新開無耐都咁好生意，好彩都唔洗等位。侍應拎左餐牌黎，餐牌成本書咁，好多選擇，加上我有選擇困難症，簡左好耐都未簡好🤣花多眼亂既情況下叫左兩樣：叫左All day breakfast，好豐富🤤有多士、煙三文魚、煙肉、蘑菇、薯餅、茄汁豆、omelette、羅宋湯、沙律。蘑菇好大粒，好有西餐feel！蘑菇上面有好多汁，咬落好林，好香磨菇味。煙三文魚上碟方式都有講究，捲成玫瑰型👍🏻多士都有水準，脆既。煙肉唔係鬼佬整法，更健康，美國佬嗰啲⋯⋯太油🙈羅宋湯入面有好多料，湯格外夠味。沙律好大份。另外叫左輕型流心（俺列）多士餐，簡左芝士汁配餐肉。開頭睇佢個俺列啲蛋咁熟，心諗一定唔滑啦，食落口就omg喇，忘記左芝士汁既存在，俺列包住啲流心芝士，原來廚師想我地食既係呢種感覺，好幸福啊。俺列成個碟咁大！另外特別想試試飲品，Latte想加Vanilla，想同coffee shop比較下，點知阿姐聽唔明Vanilla⋯⋯黎左普通Latte。幸好都無令我失望，雖然唔係完美73比例，但整體而言咖啡味香濃。無諗過冰室都有a