漁品酸菜魚火鍋放題 (已結業)

住在沙田的同事說，有間叫漁品酸菜魚火鍋放題，非常抵食又好味！今日就同老公去試吓！首先來肥仔四小吃，麻香黑雞腳、話梅鴛鴦苦瓜、避風塘魚柳、 本人就喜歡黑松露蝦多士比較多啲，口感香脆可口，呢四款係無限添加。航空六刺身，呢個係一次性的。刺身好新鮮，生蠔同海膽鮮味十足，吞拿魚、帆立貝、赤蝦和北寄貝鮮甜爽口。酸菜魚、水煮魚和火焰醬爆鑊仔雞三選一，即叫即煮，無限追加，我們選擇了酸菜魚，一大盆份人量十足，魚肉嫩滑，湯底酸中帶微辣，十分惹味！之後火鍋湯底二選一，我哋揀咗胡椒豬肚湯，真材實料，湯底明椒味香濃。深海郵輪，是一次性的海鮮拼盤，有鮑魚、海蝦、大扇貝、北奇貝和蜆，海鮮新鮮味道鮮甜，鮑魚上枱還會郁動呢！靚牛靚豬任食，肉質鮮嫩，脂肪分布均勻，任食火鍋配料還有炸物、丸餃、主食、蔬菜等，啤酒和汽水任飲，還有每晚7:30起任飲索拉亞伯餐酒、意大利白桃味汽酒及韓國好日子燒酒。