醉辣鮮 (新田購物城) (已搬遷) 新店位置

上星期四難得可以放底比卡，我哋俩公婆拍拖去，重點節目一定係揾好野食啦，老公話疫情中就唔好去人多擠迫嘅地方，帶左我去新田購物城行下睇下有咩好野食。見到依間叫醉辣鮮個名咁得意咪入去望下囉，我老公話D海鮮仲生猛過我喎，我點會唔食左佢哋呢。坐底第一時間睇下價目先啦，大家都明架啦，海鮮可以好海鮮價架嘛！點知依間價錢咁抵，見到有任食嘅又有套餐叫都好oK，我老公俾個叫原隻龍蝦餐$338一位吸引左，包括有龍蝦、羔蟹、生蠔、鮑魚、象扙蚌、大元貝各一隻、大蝦2隻、大蜆一份、蟲草雞一份、蔬菜任食、南瓜芋頭粥等等。超豐富，一睇已經覺得抵到爛，而且2位可以選擇不同價目嘅餐，真係好有彈性，於是我哋揀左一個龍蝦餐一個比較少海鮮嘅$198一位，已經夠食啦。好快已經上菜，D海鮮真係新鮮到極致，而且全部都好有份量，隻鮑魚大過比卡隻手掌，龍蝦亦都好有肉地，依個餐真係值得推薦俾朋友。唔講咁多，開餐！首先侍應小姐幫我哋將芋頭南瓜米倒入底鍋，上面放多層，就教我哋點樣煮，我老公今日係廚，我負責坐享其成，真係好幸福。所有海鮮都鮮味到極點，兩公婆一邊食一邊欣賞日落，都咪話唔寫意。不經不覺已經飽到上心口，海鮮盤中仍然有蜆未煮，D金菇翠玉