牛壹台食x可可豬外賣專門店 (已結業)

之前係灣仔食牛壹台食覺得唔錯，最近佢地係九龍灣開左分店，分店以外賣為主，而且多左可可豬既海南雞飯！- 首創竹絲海南雞飯竹絲海南雞係可可豬首創，雞件數量都算多，健康指數爆燈，油脂比較低。油飯亦非常出色，加左椰漿令油飯更加香。- 特色椰香海南雞飯呢款就啖啖肉😍，肉質嫩滑，雞味香濃，唔駛點蘸上醬汁都好夠味。油飯一樣伴隨超香既椰漿味👍🏻- 金梅地瓜條地瓜條外脆內軟，入面既蕃薯軟綿細密，不過金梅粉唔夠多，食落感覺有啲乾😅- 甜不辣我第一次食甜不辣，口感煙韌，加上醬汁後味道酸酸甜甜。飲品跟餐大約$11-13，我地叫左金桔檸檬茶同珍珠鮮奶綠，前者甜度適中，後者珍珠煙韌，茶底頗清新。價錢以午餐嚟講可以接受，食物份量都足夠，以後食午餐有多一個選擇。