大本瀛日式放題

营业中

休息中

農曆新年快到了，放左工和同事去旺角辦年貨，行到又餓又攰，剛好來到兆萬中心，即刻諗起食放題，同事推介大本瀛日式放題，因為佢地D食物質素唔錯，刺身又新鮮。店內以卡位為主，坐得都好舒適。急不及待來一盆刺身先，肥美的三文魚、大大隻又鮮甜的有頭甜蝦、鮮美的珍寶帶子、爽口的赤貝和泰式生蝦、還有希靈魚、鮑片等都鮮味十足。火炙壽司做得唔錯，火炙京蔥三文魚壽司，燒過的三文魚迫出更多的魚油，加埋京蔥，魚脂更香濃。醬燒芝士蟹棒壽司和蒲燒鰻魚壽司都好惹味！香蒜煙肉焗北海道帆立貝，帆立貝鮮甜，煙肉有口感，蒜香味濃。和風芝士焗廣島蠔，廣島蠔新鮮冇腥味，用芝士焗好夾好好味！鐵板燒紐西蘭羊架十分鮮嫩，有香草香味，沒有羶味！鹽燒鯖魚燒得皮香肉嫩。鹽燒珍寶大蝦，大蝦新鮮，燒好後灑上一些鹽吊味，蝦肉好彈牙。海老天婦羅香脆爽口，天婦羅甜薯，又脆又甜。招牌炒蜆，蜆肉鮮嫩冇沙，醬汁惹味！日式花蟹粥，粥底綿滑，味道鮮甜。飲品和甜品都是任食。