🎈Menu
小漁港主打兩款套餐，一款$298，一款$398，我地見到$298是日廚師精選套餐都已經好豐富，有刺身拼盤，八款時令海鮮，仲有烏冬同粥，睇到都覺得抵呀，就點佢啦！
1
1
✨ 避風塘鮮魷
係度等上菜前，我地叫左個小食「避風塘鮮魷」，鮮魷金黃香脆，炸蒜夠晒多，有乾椒，辣勁十足，愈食愈辣，但又好過癮。
✨刺身拼盤
然後上枱係刺身拼盤，象拔蚌薄薄一片，好爽口鮮味。帶子肥美，微帶檸檬香，仲有北寄貝同油甘魚，好豐富。
接住就到八款時令海鮮開始啦，每日都有d唔同，今日我地食左以下幾款。
✨元貝、海蝦
首先係海蝦及元貝，海蝦大大隻，肉質結實彈牙，食落仲帶蝦膏。而元貝就用上蒜蓉粉絲蒸，蒜香十足，粉絲吸晒d汁，少少乾身，十分惹味。
✨瀨尿蝦
然後係巨型瀨尿蝦，拉長大過一隻手掌，個頭好多膏，略帶咸香，肉質都幾結實，味帶甜，不用調味已經好鮮味！
✨ 鮑魚、海魚
接住有鮑魚及海魚，鮑魚好厚肉，結實彈牙，有咬口又一d都唔韌。海魚係黃魚，食落帶有咸香，魚肉非常之嫩滑，仲帶有陣陣魚油香，呢個有驚喜，出奇地滑！
✨貝殻三寶
仲有貝殼三寶，包括馬刀貝、蕃薯貝及海螺，食落唔會韌，肉質算嫩身，海螺彈牙，味帶咸咸嘅鮮味，正呀！
1
✨蟹
未完呀，仲有蟹，蟹膏多到湧晒出黎，啖啖都係膏，蟹肉亦鮮甜，入口嫩滑，非常滿足！
✨蟲草花蒸雞 鳥冬底+ 農家四寶
食完海鮮仲有主食，包括農家四寶及蟲草花蒸雞鳥冬底。烏冬吸收晒雞嘅精華，金黃色，好誘人，食落有d油，但真係好香，食唔停呀。蒸雞肉都嫩滑，旁邊仲有有芋頭、絲瓜、粟米及南瓜，認真豐富。
✨南瓜排骨粥
最後就到個南瓜粥，煲左成晚，吸收晒咁多樣海鮮嘅精華，味道夠晒濃郁，食落都幾綿幾滑，大滿足呀！
🎈總結
總括黎講，我地都認為呢個$298 是日廚師精選套餐性價比非常高，好好好抵食，真心夠飽，海鮮新鮮，份量又足，有機會叫多幾個朋友試埋個$398套餐先得！
