任食榴槤，真係大滿足！質素都真心唔錯，，必食D24榴槤味濃，綿密軟糯，質感非常奶滑，好juicy!
牛肉選項好多：有醬汁特選美國牛五花、美國安格斯封門柳、精修牛舌芯、澳洲和牛M7牛板腱、荔枝牛板腱串、醬汁羊蔥牛肉......
我哋最鍾意厚切封門柳厚切，牛味濃郁，肉質非常幼嫩，好新鮮嘅感覺，口感一流。
泰式生蝦配泰式醬汁，好新鮮，蝦肉晶瑩剔透，口感爽彈，搭配蒜香、辣椒和檸檬等調製嘅泰式醬汁，正！
炸物好吸引，芝麻雞翼、一口芝士、鵝肝多士同春卷都好出色，好有驚喜。全部熱辣辣上台，脆卜卜，食到停唔到吖！鵝肝多士細細件燒到香脆入口滿滿鵝肝味！
海鮮類嘅食材都好正，扇貝超大隻又新鮮，肉質鮮甜，香煎完好有蒜蓉牛油味，多汁爽口! 日式蒜蓉大虎蝦鮮甜彈牙
連梅酒、紅白酒、啤酒、清酒....都係無限暢飲，爽！
