老厝邊

营业中

休息中

荃灣嘅老厝邊十分近荃灣西地鐵站， 步行只需要十分鐘路程， 喺荃灣廣場後面， 地理位置十分方便。餐廳行台式風格仲要有兩層，如果下面坐滿可以上樓上閣樓坐。，絕對係打卡好地點。 眷村紅燒牛肉麵， 面底彈牙爽口， 十分欣賞佢嘅牛肉湯底，鮮甜美味，好濃牛味。而且牛肉亦都煮到好淋，仲大大塊分量唔少。 台式炸醬麵， 台式炸醬醬底係有肉碎， 配彈牙爽口嘅麵，撈埋一齊食十分惹味，如果鍾意拌面嘅朋友，呢個係十分好嘅選擇。而且份量亦都好大份，絕對足夠飽肚。培根起司蛋餅， 呢個真係好好食， 起司超多 仲有拉絲效果， 蛋餅皮亦都好煙韌， 配埋佢酸甜嘅醬汁十分好食。綿綿芋頭鮮奶， 鮮奶 配芋頭蓉 飲嘅時候有粒粒軟糯嘅芋頭碎， 香滑鮮奶裏面有濃濃嘅芋頭味，十分好飲。現煮冬瓜鮮奶， 冬瓜茶味濃配鮮奶一d都唔差 , 鍾意飲冬瓜鮮奶嘅朋友值得選擇。